Denboraldiari hasiera bikaina eman dio Hernanik Berriotxoaren zelaian irabazi ondoren

LIGA VASCA | lunes, 6 de octubre de 2014 hernanikoneskenfutboltaldea.wordpress.com/

imprimir

Hasiera ezinhobea eman diote Andoni Loranen neskek Euskal Ligari. Lehenengo partida jokatzeko, Bizkaira bidaiatu behar izan dute, Berriotxoaren aurka neurtzeko hain zuzen ere. Markagailuan 1-2ko aldea lortu du Hernanik eta hori horrela, hiru puntuak gipuzkoara ekarri ahal dituzte.

Gola oso azkar

Arbitroak partidaren hasiera agindu bezain laster, bi taldeen irabazteko nahia ikusi ahal izan da. Oso intentsitate altua izan du norgehiagokak lehenengo minutuetan. Talde gipuzkoarrak 4 minutu besterik ez ditu behar izan markagailua estreinatzeko. Mara Munduateren eskutik etorri da partidako lehen gola, jokaldi eder baten ostean.

Ospatzeko astirik ez

Baina, Andoni Loranen neskek ez dute gola ospatzeko asti handirik izan, izan ere etxekoek azkar berdindu dute partida. 9.minutuan 1-1koa jarri du markagailuan Laura Garcia jokalari bizkaitarrak. Lehenengo minutu ero hauek pasa ostean, partida asko berdindu da eta bi taldeek gogor borrokatu dute.

Oso partida berdindua

Bigarren zatiak ere bere horretan jarraitu du. Bi taldeak oso berdintsu aritu dira, ideiak garbi izanik, baina gol aukera gutxi izan dituzte. Baloiaren jabetza Hernanirena izan da, baina Berriotxoak defentsa lan ona burutu du.

Gola azkeneko minutuan

Hernaniren gola ez da azkeneko minuturarte iritsi. Korner batean, Katia Ludwig-ek gol olinpikoa sartu du eta garaipena eman dio bere taldeari.

Hurrengo astean

Datorren larunbatean, Hernanik Betiko Neskak taldearen aurka jokatu beharko du, arratsaldeko 16:30etan Zubipe futbol zelaian.

Fitxa teknikoa

Berriotxoa: Alba Barroso, Leire Olazabal, Miriam Macias (62´:Garazi Hernandez), Marta Ortiz, Teresa Ortiz, Uxue Hernandez (58´:Millicent Arthur), Zorione Hormaetxea, Izaskun Ladero (75´: Tania Sandonis), Rose Sarpong, Laura Garcia (70´: Nerea Bardasco) eta Iraide Barbolla

Hernani K.E.: Maialen Aguirre, Mara Aldasoro, Maddi Ormazabal, June Muxika (54´: Ane Ludwig), Andrea Isasa, Miren Unzueta (45´: Ane Ibarburu), Katia Ludwig, Maitane Arribas (45´: Iraide Pejenaute), Leire Iñarrairaegi (68´: Uxue Rekondo) , Mara Munduate eta Irati Altuna

Golak: 0-1, 4´: Mara Munduate; 1-1, 9´: Laura Garcia; 1-2, 89´: Katia Ludwig

Arbitroa: Asier Holguin Sanchez

Últimas noticias

24/11/2015 | ESCOLAR BIZKAIA
Infantil: Baskonia doblega al Bizkerre C en choque muy disputado

• 21/10/2015: FutFem Gipuzkoa
  Tolosa FT-eko taldeen kronikak
• 19/10/2015: 2ª División
  Peñas Oscenses 1-10 Mulier FCN
• 13/10/2015: 2ª División
  Mulier FCN 3-0 Athletic Club B
• 13/10/2015: FutFem Gipuzkoa
  Tolosa FT-eko taldeen kronikak
• 13/10/2015: 2ª División
  Atlético Arousana 4-2 Ave Fénix