Edurne Burgoa: ´Kopa honek talde indartsuenekin jokatzeko aukera ematen digu´
EH Kirolak Athletic-eko prestatzaile fisikoa elkarrizketatu du Nola ikusi duzu taldea eta lortutako emaitzarekin gustura zaude? Bost gol izan dira baina motx egon dira, aukerak sortu ditugu, finalizazioa falta izan zaigu. Baina aukerak sortzea ere garrantzitsua da. Finalera iritsi zarete. Aurreikusitakoak betetzen badira, bihar Realak lortu dezake aukera bera. Iazko talde berak. Iaz iritsi eta irabazi egin genuen finala. Aurten ere, bihar Realak zer egiten duen ikusi ondoren, Realaren aurka jokatzeko aukera izan dezakegu. Beti da interesgarria maila berekoen artean jokatzea, finalari interesa gehitzen dio horrek. Ikusiko dugu. Iaz Bizkaian, Bakion jokatu zen finala. Aurten berriz, Gipuzkoan, Beasainen. Jarraitzaileei finalera joateko esan behar zaie edo badaukazu joango diren konfiantzarik? Esatea komeni da. Egia esan, gaur jende gehiago espero nuen. Uste dut denon artean gehiago zabaltzen ahalegindu behar dugula . Lehen mailako bi talderen arteko partidara hemendik ere joatea eskatu behar zaie. Ba da nolabaiteko magiarik Erreala eta Athletic elkartzen direnean, ezta? Bai nik uste baietz. Ez da egoten zein den hobe edo txarragoa jakin nahia bakarrik. Derbya denean normalean denok jartzen dugu ahal duguna baino gehiago. Partidu indartsuak, orekatuak, intentsoak eta agresiboak –era positibo batean- eta politak izaten dira ikusteko. Eta jokatzeko. Zergatik da Interesgarria zuentzat Kopa orain jokatzea eta ez taldea denboraldian aurrera eginda martxa hobean dagoenean? Nik uste dut data aldetik ondo datorrela . Egia da, talde guztiak ez gaude gure hoberenean. Neskak daukaten lan karga handia da eta aurrerago sasoi hobean egongo ginateke, hori argi dago, horrela da, baina datak aurkitzea oso zaila da. Gero hasten da Liga, Espainiako selekziora doaz, egun egokiak aurkitzea zaila izango litzake. Guretzako sasoi hau ona da, partida ona jokatzeko aukera ematen dizulako, ez baita erreza taldeak aurkitzea. Horrelako txapelketak talde indartsuenekin jokatzeko aukera ematen digu. Iaz B taldearekin aritu zinen, aurten lehen taldearekin zabiltza. Aldaketak zer ekarri dizu? Athletic-en urte asko daramatzat. Hiru urtetan hemen egon nintzen, bigarren taldean gero beste hiru urtetan, eta egia esan oso gustura egon naiz. Formakuntzako futbola gustatu egiten zait. Erronka hau eskura jarri zidaten eta futbola berriro beste era batera bizitzea ekarri badik ere, entrenatzailea Juan dudala eta ikasteko aukera handia dudala ikusi nuenean, gutxi pentsatu nuen aurrera egiteko. Ana Astobieta, Bizkaian entrenatzaile izan zen lehen emakumea omendu da partida hasi aurretik. Bere garaian ez bezala, egun emakume gehiago da preparatzaile, epaile edo entrenatzaile. Ze inpresio daukazu zuk eta zenbat zulo dago oraindik estaltzeko? Asko. Egia da berak bizi izan zuena baino nik gehiago bizi dudala, hurrengoak –espero dut- , leku gehiago izatea, bai futbolean bai agintean. Baina, oraindik oso urrun gaude berdintasunetik, oso. Zer egin dezakegu? Batetik guk maila ona eman behar dugu. Maila ona emateko entrenatu behar da. Entrenatzeko Klubak babestu egin behar zaitu baldintza egokiak eman behar dizkizu. Komunikabideak zabaldu behar dute emakumezkoen futbola. Saldu egin behar da. Instituzio ofizialek egiten dutenaz gain, EHK bezalako elkarteak bultzatutako ekimenak beharrezkoak dira egun? Bai, denak. Kopa hau, joan zen ekainean Anoetan egindako nesken selekzioaren partida, denak. Guztiak dira positiboak. Horretan jarraitu behar dugu. Horrelako guztietan jokatu behar da aurrera egin behar da. Más noticias del: jueves, 23 de agosto de 2012
Más noticias en: Copa Euskal Herria |
Últimas noticias
24/11/2015 | ESCOLAR BIZKAIA
|
| Gurenet: Diseña, desarrolla y mantiene txapeldunak.com |
