Arizmendi nagusi Mondraren aurka Mojategin jokatutako derbian

TERRITORIAL GIPUZKOA | lunes, 23 de marzo de 2015 mondraberri.com / Argazkia: Koldo Carrillo

imprimir

Arizmendi nagusi izan zen atzo, domeka, Mojategin jokatutako partiduan. Sailkapeneko taulan oso berdinduta aurkitzen ziren Arizmendi eta Mondra. Aretxabaletarrek, atzo lortutako garaipenarekin, bigarren postuan aurkitzen dira, Mondrarekiko tartea 6 puntura handitu dutelarik. Haritz Elortzak zuzentzen duen taldeak partidu oso ona jokatu zuen eta hala, 1-4 nagusitu zitzaizkien arrasatearrei.

Atsedenaldiara 0-2ko markagailuarekin joan ziren eta egoera horrek asko erraztu zien norgehiagoka Arizmendikoei. Bigarren zatiaren hasieran, hirugarren gola sartu zuen kanpoko taldeak eta laugarren bat ere lortu zuten. 0-4ko emaitzarekin, arrasatearrek gol bakarra sartu ahal izan zuten, Ane Arregiren eskutik. Arizmendi taldean, ostera, Lore Etxeandia, Ane Vicente (2 gol) eta Paula Montiano izan ziren goleatzaileak.

Norgehiagokaren ostean, Andoni Ezkurra Mondrako entrenatzaileak Arizmendiren nagusitasuna aitortu zuen, baina hala ere, pozik agertu zen bere neskek denboraldian zehar egindako lanarekin. “Egindako lana espero baino hobea izan da”, adierazi zigun eta orain, hurrengo jardunaldiari begira jarriko dira arrasatearrak, Oiartzunen aurkako neurketari aurre egiteko gogoz.

Berria eta argazki galeria mondraberri.com-en

Últimas noticias

24/11/2015 | ESCOLAR BIZKAIA
Infantil: Baskonia doblega al Bizkerre C en choque muy disputado

• 21/10/2015: FutFem Gipuzkoa
  Tolosa FT-eko taldeen kronikak
• 19/10/2015: 2ª División
  Peñas Oscenses 1-10 Mulier FCN
• 13/10/2015: 2ª División
  Mulier FCN 3-0 Athletic Club B
• 13/10/2015: FutFem Gipuzkoa
  Tolosa FT-eko taldeen kronikak
• 13/10/2015: 2ª División
  Atlético Arousana 4-2 Ave Fénix